แวะมาแหมแล้ว
อู้กั๋นมาเมิน สูม้าเต๊อะ ป๋า nusorn NO.540 จะเป๋นชายชุดเขียวแม่นก่อหา ตอบบบบบบบบว่าาาาาาาาาาาา ช่ายยยยยยยหรือ มะช่ายยยยยยยยยยยย
มะช่ายยยยยยยยยยยยยย ครับป๋า สีปกติธรรมดานี่แหละครับ ิ
พอดีวันรับรถ(23/03/55) ขณะนั่งรอความเรียบร้อย ก็หันกะทาชายหนึ่งแต่งชุดสีเขียว (ผู้หมวดหนุ่ม บ่ฮู้ฮ้องถูกก่อ) สีหน้าละอ่อนหนุ่มอยู่ แต่แป๋งหน้าหงิกๆ ขับปาขาวป้ายแดงเข้ามาตี้ศูนย์ฯ วิดขึ้นรถวิดลงรถ ถ้าจะมีปั๋นหาอะหยังสักอย่าง แล้วก็หันอู้กับช่างอยู่สักครู่ ช่างก็เอาเข้าซองตรวจเช็ค ก็พอดีนึกถึงฮูปคุณ nusorn NO.540 ตี้อยู่ในลายเซ็น(อันก่อน) อี่ลุงก็นึกว่าถ้าจะเป๋น k.nusorn ก็เลยเป๋นจาอี้บ่าดาย
มาอัปเดส ความเคลื่อนไหวเหียน๋อย...จิ้งหีดปอฮ้องละ...เงียบขนาด....วันนี้ตัดสินจั๋ยเข้าไปตี๋ศูนย์เพื่อหาคำตอบอันคาจั๋ยมาเมิน...เปิดประตู๋ตรงปี่เข้าไปหา คุณแดง ผู้จัดการฝ่ายขาย....ว่ารถผมตี๋จองไว้เป็นฝนเป็นลมตางไดละ คุณแดงก็มะรอช้า ฟั่งกำเอกสารขึ้นมาเปิด....แล้วก็นับไปนับมา....ค้างแห่ม 8 คิวเจ้า....โอ๊ว...ใกล้ความฝัน...แต่ข่าวร้ายเจ้า...ช่วงเดือนนี้หยุดยาวรถเทลเลอร์หยุดส่งเจ้า...
เอ้าๆ ไหนๆ ก็รอมาจ๊าดเมินละ....อดเอาแห่มหน่อย......สิ้นเดือนเจอกัน...น้องปา 555
วันนี้อี่ลุงเอารถไปเข้าเช็คพันกิโลมา หันน้องปาจอดเต๋มไปหมดเลย ทั้งตี้แต่งรอแล้วก็มี ตี้ยังบ่ได้แต่งแหมจั๊ดหลายกัน แมะๆ สิบกันปุ้นเนาะ ถามเซลล์ก็บอกว่ามีเจ้าของหมดแล้วอี้วะ บ่ฮู้จะเป๋นของน้อง boyser พ่องก่อบ่อู้เน้อ อี่ลุงแนะนำโทรหาเซลล์หมั่นๆ เน้อ ดักซ้ายดักขวาพ่อง อ้างถึงในสิ่งตี้เฮาฮู้สถานก๋านรถพ่อง สรุปแล้วก็คือหื้อเขาฮู้ว่าเฮาก็ฮู้ข้อมูลเหมือนกั๋น ถ้าบ่อั้นเขาก็จุ๊เฮาไปเป๋นวันๆ เสียอารมณ์จะต๋าย แต่ถ้าจะอารมณ์เสีย หื้อนึกถึงอี่ลุงเน้อ ซึ่งรอเมินตี้สุด รอถึง 4 เดือนเต๋มๆเลย จาใดอี่ลุงก็ขอหื้อได้รถเวยเวยเน้อ จาใดปี๋ใหม่ก็ไจ้รถกันอื่นไปก่อน แหมะกับเปื้อนกับฝูงไปก่อนก็ได้ ใจ้รถเมียไปก่อนก็ได้ ถ้าบ่มีแต้แต้ ปี๋ใหม่ปี๋นี้งดแอ่วเหียสักปี๋ก็ได้ จะได้เก็บซะตางมาแต่งรถดีกว่าเนาะ ถ้าได้รถแล้ว รับรองว่าคุ้มกับก๋านตี้รอเมิน ขับม่วนขนาดเน้อ รถอี่ลุง สองติ๊ดวิ่งไปปันสี่โลแล้ว
วันนี้ หลังจากตี้เอารถเข้าเช็คต๋ามระยะแล้ว ก็เลยเอารถไปใส่สปอยเลอร์มา ต๋ามตี้ฝากเซลล์สั่งของหื้อ เอาไปหื้อร้านแถวสี่แยกหนองประทีปใส่หื้อ มันก็เป๋นอย่างตี้น้องฟ่งบอกมาบ่มีผิด งานบ่เรียบร้อย บ่มีก๋านวางแผนทำงาน ฝีมือหยาบ หลายหลายอย่าง อี่ลุงก็ปิ๊กบ้านด้วยอารมณ์บ่จอยแหมแล้ว อี่ลุงว่าตี้เหลืออี่ลุงจะเก็บรายละเอียดคนเดียวดีกว่า เพราะฉะ
นั้น ถ้าจะขอของแถมอะหยังหื้อติดต๋ามหลามตวย นั่งเฝ้าเขาแต่งหั้นเลยบ่ดีหื้อละสายต๋าเน้อ แล้วจะกิ๋นแหนง แล้วจะหาว่าหล่อบ่าเตือนเน้อ ต๋อนนี้ก็ขอหื้อได้รถเวยเวยเน้อ
